Ծխելն ազդում է գենետիկ համակարգի վրա

Ծխելու հանրահայտ վնասներին (շնչառական օրգանների, սրտանոթային համակարգի օրգանների աշխատանքի խախտումներ, իմունիտետի թուլացում, ուռուցքային հիվանդություններ) ավելանում է եւս մեկը:

Առաջին անգամ գիտնականներին հաջողվել է բացահայտել ծխելու եւ գենոմի ակտիվության կապը: Գիտնականները պնդում են, որ մեր օրգանիզմ թափանցող ծուխը խախտում է 300-ից ավելի գեների ֆունկցիաները:

Այսպիսով, մշտապես ծխելը ավելի լուրջ վնաս է պատճառում օրգանիզմին, քան ենթադրվում էր մինչեւ օրս, գրում է գերմանական Spiegel Online կայքէջը:

Կենսաբժշկական հետազոտությունների հարավարեւմտյան հիմնադրամի (ԱՄՆ) մի խումբ գիտնականներ Ջեկ Չառլսվորտի ղեկավարությամբ նույնականացրել է ծխողների 300-ից ավելի գեներ, որոնք ֆունկցիոնալ ցուցանիշներով զգալիորեն տարբերվում են չծխողների գեներից:

Հետազոտություններին մասնակցել է 1200 մարդ, որոնց 1/4-ը ծխողներ էին: Ստացված տվյալները վկայում են, որ ծխելն ազդում է ոչ միայն առանձին գեների, այլեւ փոխգործակցող գեների ամբողջ ցանցերի վրա, ասվում է հոդվածում:

Հարցեր, պատասխաններ, մեկնաբանություններ